Հայ Երգչախմբային Դիրիժորների Ասոցիացիա
Հասարակական Կազմակերպություն
en am
facebook  
Գործընկերներ Chórtownia Noiaan Tapan

Շանթ Քէշիշեան

'469616_10150787158154747_1558728409_o.jpg'

Շանթ Քէշիշեան

5 նոյեմբեր 2014

Ծնած եմ Դամասկոս 8 սեպտեմբեր 1970-ին: Ծնողներս են Սարգիս Քէշիշեան եւ Շաքէ Ասատուրեան: Ունիմ քոյր մը Նայիրի Քէշիշեան, ամուսնացած Արա Խաչերեանի հետ, կը բնակին Պրիւքսէլ, Պելճիքա:

Նախնական կրթութիւնս ստացած եմ Դամասկոսի հայ կաթողիկէ «Փարոս» վարժարանին մէջ, ապա միջնակարգ ու երկրորդական ուսումները հայ կաթողիկէ «Լոյս» ճեմարանին մէջ: Համալսարանական ուսումը լրացուցած եմ, աւարտելով Դամասկոսի պետական համալսարանի տնտեսագիտութեան բաժինը, միեւնոյն ժամանակ ամբողջացնելով Ֆրանսայի ակնոցի մասնագէտներու միութեան դպրոցի (UNSOF) հեռակայ (optique)-ի դասընթացքները (EPOD) : Աշխատանքի ասպարէզս  մեր ընտանեկան ակնոցի «Ժոզէֆ» հաստատութեան մէջ է ուր կ՝աշխատիմ որպէս վաճառատան պատասխանատու եւ (opticien) տեսողութեան դժուարութիւններու սրբագրման մասնագէտ ։ Փոքր տարիքէս ունենալով սէր հանդէպ երաժշտութեան ու ըլլալով երաժշտասէր ընտանիքի զաւակ, ծնողներուս քաջալերանքով  ստացած եմ երաժշտական կրթութիւն՝ յաճախելով Դամասկոսի արաբական( այժմ Սուլհի Ալ Ուատի) երաժշտական ուսումնարանը, հետեւելով դաշնամուրի դասընթացքներուն (1977-1988) ապա հետեւած եմ մասնաւոր դասերու Ռուս մասնագէտ Վիքթոր Պապենքոյի մօտ ներդաշնակութեան   ( հարմոնի) եւ խմբավարութեան: Փոքր տարիքէս ընդգրկուած եմ դամասկահայ համայնքային կեանքին մէջ, ներկայ գտնուելով  ու մասնակցելով զանազան ձեռնարկներու ու մշակութային հանդիսութիւններու ինչպէս նաեւ հայ կաթողիկէ եկեղեցւոյ ծառայութեան, ապա որպէս միութենական մասնակցութիւն բերած եմ շատ մը միջ միութենական հայկական ձեռնարկներու կազմակերպութեան: Մաս կազմած եմ Դամասկոսի հայ կաթողիկէ միութեան Ս. Վարդան սկաուտական վաշտին, ապա եղած եմ ընդհանուր պատասխանատու միութեան Պատանեկան բաժնի մինչեւ 2007 թուական: 1986 թուականին հօրս Սարգիս Քէշիշեանի ջանքերով ու այլ միութենականներու գործակցութեամբ նոր թափ տուած ենք միութեան «Քնար» երգչախումբի (հիմնադրուած 1962ին) գործունէութեան:  Այդ թուականէն սկսեալ ընկերակցած եմ երգչախումբին որպէս դաշնակահար եւ վարած օգնական խմբավարի պաշտօնը երբ Հայաստանէն հրաւիրած ենք հայրենի արուեստագէտներ պր․ Ժիրայր Ալթունեանը, ապա Օրդ․ Գայանէ Պաղտասարեանը որպէս մասնագէտ խմբավարներ (1990 -2002) միասնաբար ունենալով բազմաթիւ ելոյթներ ու համերգներ:  2003 թուականէն սկսեալ կը վարեմ «Քնար»ի խմբավարութիւնը, ունենալով տարեկան ելոյթներ ու մասնակցութիւններ զանազան միջոցառումներու ու երաժշտական փառատօներու։ Համերգներ  Հալէպ,Լաթաքիա,Պէյրութ եւ Քեսապ: 2004 թուականին մասնակցած ենք երգչախումբին հետ  Հայաստանի մէջ կայացած «Մէկ ազգ, մէկ մշակոյթ» համահայկական առաջին փառատօնին ունենալով անմոռանալի համերգներ ու այցելութիւններ Մայր Հայրենիքի կարեւորագոյն պատմամշակութային  վայրերը։ 2006 թուականին  ներկայ գտնուած եմ «Մէկ ազգ, մէկ մշակոյթ» երկրորդ  փառատօնին ընդառաջելով կազմակերպիչներու հրաւէրին : 2012-ին ի հեճուկս երկրի մէջ տիրող դժուարին պայմաններուն համերգով մը նշեցինք երգչախումբի 50ամեակը, այդ առիթով մեծ շնորհակալութեամբ ձեռամբ ՀՀ Դեսպան Դոկտ․ Արշակ Փոլատեանի  ստանալով Դամասկոսի մէջ Հայաստանի դեսպանատան ոսկէ մետալը:Զանազան առիթներով երգչախումբը ստացած է շնորհակալագիրեր՝ որոնցմէ կարեւորագոյնը ՀՀ մշակոյթի նախարարութեան Պատուոյ գիրը տրուած 2011  թուականին Հայաստանի անկախութեան 20  ամեակին առթիւ։ Այստեղ նշեմ թէ Հայաստանի դեսպանութիւնը Դամասկոսի մէջ եղած է միշտ մեզ քաջալերող ու զանազան առիթներ ստեղծած մասնակից դառնալու մշակութային ձեռնարկներու։

 Մինչ օրս մաս կը կազմեմ Հայ կաթողիկէ միութեան խորհուրդին ու կը շարունակեմ համեստ մասնակցութիւնս բերել միութենական գործունէութիւններու եւ եկեղեցւոյ ծառայութեան, յուսալով որ մօտ օրէն ապահովութիւնն ու խաղաղութիւնը կը հաստատուին մեր երկրի Սուրիոյ մէջ ու կարելիութիւն կը ստեղծուի եռանդուն գործունէութիւն ունենալ հայապահպանման ու մեր մշակութային արժէքները պահելու ուղղութեամբ:

2014թվականից Հայ Երգչախմբային Դիրիժորների Ասոցիացիա ՀԿ անդամ:

 

W serwisie stosujemy pliki cookies. Korzystanie z witryny bez zmiany ustawień dotyczących cookies oznacza, że będą one zamieszczane w Państwa urządzeniu końcowym. Możecie Państwo dokonać w każdym czasie zmiany ustawień dotyczących cookies. Więcej informacji w polityce prywatności.

×